HALIMASHAURI YATAKIWA KUIFANYIA MABORESHO FORODHA YA SAMING'OMBE

 

MOMBA-SONGWE

HALMASHAURI wilayani Momba mkoani Songwe,imetakiwa kuifanyia maboresho forodha ya Saming'ombe kata ya Ivuna Mwambao wa Ziwa Rukwa,kama chanzo cha kuongeza mapato baada ya halmashauri hiyo,kuanza kushuka kimapato.

Halmashauri ya Momba ni mpya iliyomegwa kutoka wilaya ya Mbozi ikiwa na changamoto nyingi ikiwemo ya ufinyu wa mapato yanayopelekea kushindwa kufikia malengo ya asilimia 80 ya ukusanyaji wa fedha zitokanazo na vyanzo vya ndani.

Akizungumza jana kwenye kikao cha baraza la madiwani,kilichokaliwa kwenye ukumbi wa halmashauri hiyo uliopo Chitete,mkuu wa wilaya hiyo,Juma Irando,alisema kutokana na kushuka kwa mapato katika halmashauri hiyo,ipo haja ya kuikarabati forodha ya Naming'ombe ili kuongeza mapato.

Alisema forodha hiyo awali kilikuwamchanzo muhimu cha mapato lakini kimepoteza mvuto baada ya miundombinu iliyopo kuharibika na kusababisha wavuvi na wanunuzi wakiwemo wajasiliamali waliokuwepo kwenye Mwalo huo kuhamia maeneo mengine nje ya Momba.

''Nasikitika sana kuona mapato ya halmashauri ya Momba yanazidi kushuka siku hadi siku,nakuagiza mkurugenzi hakikisha unakarabati Forodha (Mwalo)  wa Naming'ombe iili fursa ya kiuchumi zilizotoweka zirejee tena''alisema Irando.

Akipokea maagizo hayo,kaimu mkurugenzi mtendaji wa halmashauri hiyo, Mhandisi Maua Mgalla,alisema atakaa na wataalam na kufanya tathimini ikiwa ni pamoja na kufanya ukarabati wa Mwalo huo,pamoja na mengine ili kuongeza pato la halmashauri ambalo kwa sasa limeshuka.

akizungumza kwaniaba ya madiwani wenzake,Correta Mwaselela,cdiwani kata ya Mkomba alisema ni ukweli usiofichika kuwa halmashauri imechuka mapato na kwamba ipo haja ya kuunga mkono agizo la mkuu wa wilaya kwa afya ya halmashauri hiyo kwa kuwa Forodha ya Naming'ombe ni chanzo muhimu.

Alisema awali chanzo hicho kilikuwa ni tegemeo kwa pato la halmashuri kutokana na kuwa na wavuvi na wanunuzi wengi,wakiwemo wajasiliamali ambao waliweka bidhaa zao huku wengine wakinunua samaki ambapo halmashauri ilipata ushuru mkubwa,ambao kwa sasa mradi huo umekufa.