WANANCHI WAISHIO TUNDUMA MKOANI SONGWE WAISHUKURU SERIKALI.

TUNDUMA-SONGWE

Wananchi katika halmashauri ya mji wa tunduma wilayani momba mkoani songwe wameishukuru serikali yao kwa kuwapatia hati ya  kumiliki ardhi ikiwa ni katika  kutekeleza mpango wa kuboresha mji na kuondoa kero ya ujenzi horela ulioshamiri katika halmashauri hiyo.

Wakizungumza na Diratz News  baadhi ya wananchi hao ambao wamekabidhiwa hati zao za ardhi wamesema wanaishukuru serikali yao kwa kuona umuhimu wa kuwapa hati hizo kwani tokea mwaka 2014 wamekuwa wakizifuatilia  bila mafanikio jambo ambalo liliwakatisha tamaa.

Kwa upande wake afisa ardhi wa halmashauri ya mji wa tunduma Boniface Shayo amesema wanaendelea kutoa elimu kwa wananchi juu ya umuhimu wa kumiliki ardhi jambo ambalo wananchi wengi hawana mwamko nalo.

Mkuu wa wilaya ya Momba Jumma Said Irando  amegawa hati 42 kwa wananchi  wa kata ya kaloleni ambapo amewataka wananchi kujitokeza kwa wingi kulipia hati zao ili wapate kwa wakati

Aidha Irando ameongeza kuwa tayari vifaa vimeshapatikana hivyo zoezi la  upimaji maeneo katika mji wa tunduma litaanza hivi karibuni kwani mji huo maeneo mengi hayajapimwa.