TFF YAPANGA RATIBA YA 16 BORA MICHUANOM YA AZAM SPORTS FEDERATION CUP

Shirikisho la soka nchini TFF kwa kushirikiana na wadhamini wakuu wa kombe la shirikisho (Azam Sports Federation Cup) hapo jana jioni  limepanga ratiba ya 16 bora ya michuano hiyo kwa kuzishirikisha timu 16 zilizofuzu kucheza hatua hiyo.

Shughuli za kupanga ratiba ya hatua hiyo ya 16 zimefanyika mapema hii leo kwenye studio za Azam TV na kurushwa mubashara kwa lengo la mashabiki wa soka wote nchini kushuhudia jambo hilo likifanyika kwa uwazi.

Mabingwa wa soka Tanzania bara Young Africans wamepangw akukutana na Majimaji FC ambao watakua nyumbani katika uwanja wa Majimaji.

Mbali na Young Africans kwenda Songea, vigogo wengine Azam FC watamenyana na KMC ya Kinondoni mjini Dar es Salaam, wakati mkoa wa Shinyanga utahodhi mechi mbili mfululizo, kwanza ni Stand United na Dodoma FC na baadaye Buseresere na Mtibwa Sugar Uwanja wa Kahama.

Michezo mingine ya hatua ya 16 bora ya kombe la shirikisho JKT Tanzania watakuwa wenyeji Ndanda FC Uwanja wa Mbweni, Dar es Salaam, Kiluvya United na Tanzania Prisons Uwanja wa Filbert Bayi, Kibaha, Pwani, Singida United na Polisi Tanzania Uwanja wa Namfua na Njombe Mji dhidi ya Mbao FC Uwanja wa Saba Saba, Njombe.

Mara baada ya kukamilika kwa shughuli ya kupangwa kwa ratiba hiyo, tulipata nafasi ya kuzungumza na meneja wa Azam FC Philip Alando na kumuuliz anamna walivyopokea hatua ya kupangwa na KMC.

Naye meneja wa KMC Kalambo Kalambo amesema wamepangwa na timu bora na wanaamini mpambano wao utakua na ubora wa hali ya juu.

Michezo yote ya hatua ya 16 Bora ya michuano hiyo ya Shirikisho la Soka Tanzania (TFF), zitafanyika kati ya Februari 22 na 25.