DALALI MAARUFU ATIWA MBARONI AKITUHUMIWA KUMBAKA BINTI WA MIAKA 13

KYELA-MBEYA

JESHI la polisi wilayani Kyela mkoani Mbeya limemshikilia Edwin Mwakalinga (39) mkazi wa kitongoji na kata ya mbugani wilayani Kyela mkoani Mbeya akituhumiwa kumbaka mtoto wa mwenye umri wa miaka 13 jina limehifadhiwa.

Akizungumzia hali hiyo Neema Salum alisema mtoto huyo ni kama mtoto wake alimuomba kwa rafiki yake aishi naye mara baada ya kumaliza darasa la saba ambaye amsaidia kufanyakazi za ndani ambapo majira ya saa 8 mchana wakati wanakula chakula cha mchana alimwambia aendelee kufua nguo yeye akienda kulipa ada za watoto.

Alisema ndani ya dakika 20 alirejea nyumbani na kukuta mtoto haonekani ndipo alipoanza kumtafuta na kubaini yupo ndani ya chumba cha mpangaji wake huyo, ndipo alipompigia simu mwenyekiti wa kitongoji ambapo alifika na kukuta mtoto ameingiliwa kimwili pasipo lidhaa yake na kuamua kuitalifu polisi.

Kwa mujibu wa mtoto huyo ni kuwa wakati anafua nguo ghafla alivutwa mkono na mtuhumiwa hadi ndani kwake na kufanyiwa ukatili huo huku akiambiwa na mtuhumiwa huyo kuwa asiseme kwa mama kwani yeye analengo la kumuoa.

Akizungumza jana na blog hili mwenyekiti wa kitongoji hicho Michael Mwakibinga,  alisema polisi wapofika eneo la tukio walimchukua mtu huyo pamoja na mtoto kwa ajili ya kutoa maelezo, baada ya hapo walienda hospitali ya wilaya kwa ajili ya vipimo.

Aliongeza kuwa baada ya kufanyiwa uchunguzi ilibainika kweli mtoto ameingiliwa kimwili lakini akiwa hana maambukizi yoyote huku mtuhumiwa akibainika kuwa na VVU baada ya vipimo vya daktari huku mtuhumiwa akipelekwa rumande.

Claud Fungo, Diwani wa kata ya Mbugani alikiri kuwepo kwa hali hiyo na kudai baada ya kufika eneo la tukio  na kukuta mtuhumiwa amechukuliwa na Jeshi la polisi waliiachia liendelee na uchunguzi wake huku akisema endapo ikibainika kutenda kosa hilo itabidi hatua kali za kisheria zichukuliwe juu yake ili iwe fundisho kwa wengine.

Akizungumza kwa njia ya simu mganga mfawidhi wa hospitali hiyo Dr. Ray Salandi licha ya kukiri kuwepo kwa tukio hilo alisema leo (jana) sio siku ya kazi hivyo atalizungumzia suala hilo siku ya kazi akiwa ofisini.

Kamanda wa polisi mkoani Mbeya, Mohamed Mpinga amekiri kuwepo kwa hali hiyo na uchunguzi wa polisi unaendelea, mtuhumiwa atafikishwa mahakamani pindi uchunguzi utakapokamilika.