WANANCHI MKOANI SONGWE WAMETAKIWA KUHAKIKISHA WANATOA TAARIFA SAHIHI ZA UKAZI NA UTAIFA KWENYE ZOEZI LA UANDIKISHAJI VITAMBILISHO

 SONGWE

KATIBU tawala mkoani Songwe,Herman Tesha amewataka wananchi katika wilaya zote za mkoa wa Songwe,kuhakikisha wanatoa taarifa sahihi ukazi na utaifa kwenye zoezi la uandikishaji wa vitambirisho vya utaifa linaloratibiwa na wakala wa vitamburisho nchini NIDA huku akiwataka viongozi wa serikali za vijiji kutoa ushirikiano ili kuhepuka taarifa za udanganyifu kwenye rekodi hizo.

Akizungumza na gazeti hili,katibu Tesha,alisema Songwe ni moja ya mikoa iliyopo kwenye maeneo ya mipaka hivyo akasisitiza umakini mkubwa katika zoezi hilo,la uandikishaji akiwataka viongozi wa serikali za mitaa na vijiji pamoja na vyombo vya dora kuhakikisha hakuna udanganyifu katika kukusanya taarifa sahihi za watu wanaosajiliwa hasa katika makundi ya wakimbizi na uhamiaji.

Colletha Peter,Afisa usajili wa vitamburisho mkoani Songwe,alisema uandikishaji vitamburisho vya Taifa umeanza kufanyika takribani mwezi mmoja sasa na kusema kuwa tayari wananchi 98628 wamesajiliwa na kupatiwa vitamburisho huku muitikiao ukionekana kuwa mzuri.

Msimamizi wa kampeni za uandikishaji Magreth Gabriel aliwataka wananchi kuendelea kujitokeza kwa wingi ili kila mwananchi ajipatie kitamburisho n akwamba zoezi hilo bado linaendelea huku akijiapiza kufanya kazi kwa uadirifa kwa kufuata kanuni na sheria za nchi zilizowekwa.           

Eliza Amanyisye mkazi wa Songwe,alisema kutokana na umuhimu wa kupata vitamburisho hivyo,wao kama wananchi katika maeneo yao,wamekuwa wakihamasishana kwenda kujiandikisha ambapo alisema muitikoa ni mzuri.

Anna Mlawa,mkazi wa Songwe,alisema zoezi linaendelea vizuri kwani wananchi wengi wanajitokeza kujiandikisha pia akatoa rai kwa serikali kuwa makini na watu wanaotoka nje ya nchi hasa kwa mkoa wao ambao unapakana na nchi nyingi ikiwemo,Zanbia,Malawi na Congo ili isije kuonekana watu wa nchi hizo wamejiandikisha kinyemela na kuonekana ni raia wa Tanzania.   

Hata hivyo,msimamizi wa NIDA nyanda za juu kusini Fransisi Saliboko alisema zoezi hilo linalenga watu wa makundi matatu ambao ni Watanzania,wahamiaji walowezi na wakimbizi,na kwamba zoezi hilo litaendelea kufanyika kwa kufuata misingi iliyowekwa na jamhuri ya muungano wa Tanzania kwa afya ya watanzania wote.

Mwisho.