WAJUMBE WA CC KATA YA ICHENJEZYA WILAYANI MBOZI WAMEFANYA ZIARA FUPI YA KUTEMBELEA MIRADI MBALI MBALI YA MAENDELEO YA KATA HIYO

Mbozi

Wajumbe wa ccm kata ya ichenjezya wilayani mbozi mkoani hapa wamefanya ziara fupi ya kutembelea maeneo mbali mbali ya kata hiyo ikiwemo ofisi ya mtendaji lengo ikiwa ni kujua miradi ya maendeleo mbali mbali ya kata hiyo inayoendelea.

Katika ziara hiyo fupi iliyofanyika hivi karibuni katibu wa ccm wa kata ya ichenjezya Mussa Charlse akiwa ameambatana na baadhi ya viongozi na wajumbe wa ccm kata  wametembelea eneo ujenzi wa ofisi za kata hiyo umeanza ambapo ujenzi huo umesimama kwa muda pamoja na shule ya msingi ichenjezya ambako ujenzi wa vyoo vya shule hiyo unaendelea baada ya vile vya awali kuharibika vibaya.

Akihoji kuhusu ujenzi wa ofisi hizo kusimama kwa muda katibu wa ccm kata ya inchenjezya Mussa Charle amesema ni kwasababu gani ujenzi wa ofisi hizo umesimamishwa ilihali ujenzi huo ulipaswa kukamilishwa mapema ili ofisi hizo ziendelee kutumika na ni kiasi gani cha pesa ambacho kimetumika katika kufikisha ujenzi wa ofisi hizo zilipo ambapo mpaka sasa bado ni msingi.

Akijibu swali hilo ofisa mtendaji wa kata hiyo Marko Silwimba amesema wameamua kusimamisha ujenzi wa ofisi hizo ili kukamilisha kwanza ujenzi wa vyoo vya shule ya msingi ichenjezya  ndipo baadae watamalizia ujenzi wa ofisi hizo na kuhusu kiasi cha pesa kilichotumika amesema atafatilia kujua zaidi kwani hakuwepo wakati ujenzi huo unaanza.

Kwa upande wao Abdala Msolomi mjumbe wa ccm kata hiyo na Emil Zambi ambaye ni mwenyekiti wa ccm kata hiyo wamehoji ni kwanini ujenzi wa vyoo vya wanafunzi wa shule hiyo umechukua muda mrefu ili hali pesa zinachangwa lakini pia vifaa vilivyotumika katika ujenzi huo haviendani na hali halisi ya kiasi cha pesa kilichotumika ambacho ni zaidi ya sh million 10.

Mtendaji huyo amesema kiasi cha pesa kilichotumika katika ujenzi wa vyoo hivyo ni halali na kuhusu kuchelewa kukamilika kwa ujenzi huo ni wananchi kusua sua katika utoaji wa michango na hii inatokana na wananchi wenyewe kutohudhuria mikutano ya hadhara  kujua kitu gani kinaendelea.