MKUU WA WILAYA YA ILEJE JOSEPH MKUDE AAGIZA KUCHUKILIWA HATUA ZA KISHERIA WATENDAJI WANNE

Ileje

Mkuu wa wilaya ya Ileje mkoani Songwe Joseph Mkude amemwagiza mkurugenzi mtendaji wa halmashauri ya wilaya ya Ileje mkoani hapa Haji Mnasi kuwachukulia hatua za kisheria watendaji wa 4 ambao wamebainika kufanya kazi pasipo kufuata taratibu za kitumishi wilayani hapa.     

Mkude ametoa agizo hilo hivi karibuni katika kikao cha baraza la madiwani kilichofanyika katika ukumbi uliopo katika ofisi za boma ambapo amesema mtumishi wa serikali kufanya kazi kwa matakwa yake katika kituo cha kazi ni utovu wa nidhamu.

Aidha mkuu huyo amesema serikali haitawavumilia watendaji ambao hawawajibiki katika vituo vya kazi hali ambayo itapelekea kukwamisha maendeleo yaliyokusudiwa ikiwa ni pamoja na kuzorotesha  vyanzo vya mapato katika maeneo husika husika.

Mkrugenzi mtendaji wa halmashauri ya wilaya wilayani hapa Haji Mnasi amesema watendao ambao wamewajibishwa ni pamoja na walinzi wawili wa kwenye mageti,mtendaji wa kijiji mmoja na wa kata mmoja hali ambayo amesema hawatawavumilia watendaji wazembe kazini.