WAKAZI WAISHIO MAMLAKA YA MJI MDOGO WA VWAWA WALALAMIKIA UHABA WA MAJI

Mbozi-songwe

Wakazi waishio mamlaka ya mji mdogo wa vwawa wilayani mbozi mkoani songwe wamelalamikia tatizo la uhaba wa maji safi na salama ambalo limedumu kwa muda mrefu na kuiomba serikali kuwasaidi kutatua tatizo hilo.

Tatizo hilo la maji limekua la muda mrefu ambapo maji yamekua yakipatikana kwa nadra hata hivyo upatikanaji wake umekua tofauti na matarajio ya wananchi kwani maji hayo si safi na salama kwa matumizi ya binadamu.

Mmoja wa wakazi hao  merry ernest mkazi wa ilembo  amesema kuwa maji yamekua hayafiki kwa wakati katika bomba zao hali inayopelekea kuyafuata umbali mrefu na kwamba hali hiyo inawafanya wengi wao kushindwa kufanya shughuli nyingine za kimaendeleo.

Kwa upande wake antoni sichalwe mkazi wa vwawa amesema kuwa kutokana na umbali na huo wananchi  wamekuwa wakipata  changamoto nyingi ikiwemo kutekwa na kuporwa mali zao pindi wanapoyafuata maji.

Akizungumzia tatizo hilo mhandisi wa maji wilaya ya mbozi mkoani hapa AKSON MWANSYANGE licha ya kukiri kuwepo tatizo hilo  amesema kuwa uhaba wa maji unasababishwa na wananchi wenyewe kutokana na baadhi yao kulima karibu na vyanzo vya maji pamoja na kuchungia mifugo katika vyanzo hivyo.

Mwansyange  amesema  kuwa juhudi za serikali bado zinaendelea ili kufikia kiwango kilichowekwa na serikali ambacho ni asilimia 65% ya maji vijijini.