WAZIRI MKUU ATOA NENO ZITO KATIKA MAZISHI YA MKE WA DR.MWAKYEMBE

WAZIRI mkuu wa Tanzania,Kassim Majaliwa,amewataka wananchi kupendana na kusameheana na kutenda mambo mazuri yakumpendeza mungu ikiwa ni pamoja na kuwaombea viongozi wanaoliongoza Taifa hili ili kulinda amani iliyopo.

Waziri majaliwa aliyasema hayo jana wakati akimuwakirisha Rais John Magufuli kwenye msiba wa mke wa Mbunge wa Kyela ambaye ni waziri wa habari vijana sanaa na michezo Dr,Harrison Mwakyembe wakati wa mazishi ya Linnah Mwakyembe kijiji cha ikolo wilayani Kyela mkoani Mbeya.

Majaliwa alisema uhuru na amani iliyopo nchini inapaswa kuilindwa na ili kufanikisha hilo ni lazima watanzania waishi kwa kupendana,kuheshimiana na kusaidiana katika kila jambo kama ilivyo katika msiba wa Mke wa Dr,Mwakyembe ambapo mamia ya watu kutoka maeneo mbalimbali wamefika kushiriki maziko ya Linnah Mwakyembe.

Waziri Majaliwa ambaye yupo mkoani Songwe kwa ziara ya kikazi ambapo kabla ya kuanza ziara alifika wilayani Kyela kushiriki mazishi ya Mke wa Dr,Harrison Mwakyembe na baada ya hapo alielekea mkoani Songwe kuendelea na ziara ya kikazi.

Spika wa bunge la Jamhuri ya Muungano wa Tanzania Job Ndungai,katika mazishi hayo,alisema marehemu Linnah alikuwa mtu muhimu hasa alipoweza kumtunza mkewe ambaye alimfanikisha kutekeleza majukumu ya kazi ya ujenzi wa Taifa na kuwataka watanzania kuishi kwa kupendana na kuilinda amani iliyopo.

Nape Mnauye Mbunge wa jimbo la Mtama alisema kifo cha Linnah ni pigo kwake kwani alikuwa mlezi mwema kwake na kuwa familia imepata pigo kutokana na umuhimu na ukarimu aliokuwa nao marehemu.

Mark Mwandosya Mbunge mstaafu wa Rungwe Mashariki na waziri wa uchukuzi,alisema anasikitishwa kuona Linnah aliyekuwa mzima amefariki wakati yeye na Mwakyembe waliopata kuumwa na hata kupelekwa India kutibiwa wakiwa mahututi ambao kwa sasa wapo vizuri matokeo yake Linnah aliyekuwa akiuguza ndiye amekufa.

''Ndugu zangu,huu ni msiba mzito,kufiwa na Linnah ni pigo na atakumbukwa kwa fadhira zake,wakati mimi na Mwakyembe tupo kwenye kuugua na wakati huo kuilikuwa na vuguvugu zito la kisiasa,wake zetu walitutia moyo hivyo kufa kwa Linnah ni pigo kwetu''alisema Mwandosya.

William Lukuvi, waziri wa Ardhi, alisema alishitushwa baada ya kusikia Linna Mwakyembe amefariki na kuwa kifo chake kimewashitua wengi lakini kwa kuwa ni mapenzi ya mungu pasi yote tumuachie yeye na kuwa mshikamano uliooneshwa katika msiba huo,uendelee hivyo hivyo na kuifanya Tanzania ni ya watu wenye kupendana.

Akizungumza huku akitokwa na machozi katika maziko hayo,Mbunge wa Jimbo la Kyela,Dkt,Harrison Mwakyembe,alisema mke wake amefariki amemuacha kwenye kipindi kigumu kutokana na umuhimu wake ba kuwa anawashukuru watanzania wote walioacha shughuri zao na kuungana naye katika maziko ya mke wake na kuwaombea kwa mungu.

Katika maziko hayo,yalihudhuriwa na mawaziri mbalimbali,wakuu wa mikoa mbalimbali,wenyeviti na wakurugenzi ikiwemo madiwani wa halmashauri mbalimbali pamoja na wananchi kutoka ndani na nje ya mkoa wa Mbeya na kuufanya msiba huo kuwa wakihistoria.

Marehemu Linna Mwakyembe alifariki dunia tarehe 16/7/2017 na amezikwa tarehe 19/7/2017 huku akiacha mume na watoto watatu wa kiume,bwana ametoa na bwana alitwaa,jina lake lihimidiwe,,Amiin.