MIGOGORO YA ARDHI YASHIKA KASI SONGWE.

 

SONGWE-MKWAJUNI

WANANCHI wa halmashauri ya Mkwajuni wilayani Songwe mkoa wa Songwe,wameilalamikia halmashauri hiyo kwa kutowapatia viwanja vya makazi licha ya kulipia fedha 20,000 kila mmoja kwa ajili ya kujaza fomu za kupatiwa maeneo.

Wakizungumza jana na,wakazi wa eneo hili,walisema wamelipia fomu ya 20,000 katika halmashauri ya Songwe kwaajili ya kupatiwa maeneo ya makazi lakini wanashangaa kuona hakuna kinachoendelea,huku migogoro ya ardhi ikizidi kushamili.

Upendo Msombo mkazi wa Mkwajuni,alisema walitangaziwa kuwa kuna maeneo yatagawiwa kwa wananchi ambao watalipia 20,000/ lakini licha ya kutoa kiasi hicho,lakini bado hawajapewa na kwamba wanaomba serikali kuwapatia maeneo hayo.

Mussa Mohammed mkazi wa Songwe,alisema ni jambo la ajabu na la kushangaza baada ya wao kulipa fedha hizo pasipo kupatiwa maeneo na kibaya zaidi alisema wanashangaa kuona maeneo hayo wanagawana wenyewe kitu ambacho kimeibua migogoro.

Mwenyekiti wa baraza la ardhi wa halmashauri ya Songwe Ozana Mwanipeja anakiri kuwepo kwa migogoro hiyo na kusema kuwa wamekuwa wakipokea kesi nyingi katika baraza hilo na kuiwa ipo haja ya elimu ya uelewa wa umiliki wa ardhi kutolewa ili kuhepuka migogoro.

Alisema kitendo cha mtu au serikali kupokonya ardhi ya mtu mungine ni kosa kisheria na kuwa endapo kama mtu au taasisi italipenda eneo la mtu mungine ni lazima yafanyike makubariano kati ya taassisi na mtu mwenye eneo na si vinginevyo.

Mkurugenzi wa halmashauri hiyo,Elias Nawela alisema katika eneo lake hakuna migogoro hiyo na kuwa kuna kipindi watu walifika ofisini kwake wakihitaji kupatiwa maeneo lakini alikataa na kuwaeleza wafuate sheria.

Mbunge wa jimbo la Songwe,Philipo Mulugo,alisema migogoro ya ardhi ipo lakini kwa sasa inashughurikiwa kwa kuwa tayari waliagizwa na Rais kuhakikisha wanamaliza migogoro katika maeneo yao.

Alisema hajapata taarifa kuwa viongozi wa halmashauri wanajigawia maeneo,lakini si dhambi kwa mtumishi wa serikali kumiliki eneo ili mradi asivunje sheria na kujilimbikizia viwanja vingi wakati wananchi hawana maeneo ya kujenga.