WAZIRI WA TAMISEMI JAFO AZINDUA DUKA LA DAWA KATIKA HOSPITALI YA WILAYA YA KISARAWE MKOA WA PWANI

Waziri wa nchi Ofisi ya Rais Tamisemi Selemani Jafo akizungumza jambo wakati wa halfa fupi ya uzinduzi wa duka la madawa katika hospitali ya Wilaya ya Kisarawe Mkoa wa Pwani kwa lengo la kuweza kupunguza adha ambayo walikuwa wanaipatawananchi wa Wilaya hiyo, mtaji wa dawa hizo umegharimu kiasi cha shlini milioni 89

Meneja wa Bohari kuu ya madawa (MSD)  kanda ya Dar es Salaam Celestine Haule akizungumza jambo wakati wa halfa ya uzinduzi wa duka hilo la dawa katika hospitali ya Wilaya ya Kisarawe.

PICHA NA VICTOR MASANGU

……………..

VICTOR MASANGU, KISARAWE      

SEKTA ya afya hapa nchini katika zahanati, vutuo vya afya  na hospitali bado kunakabiliwa na changamoto mbali mbali ikiwemo upungufu wa wauguzi,madaktari , pamoja na ukosefu mkubwa wa kutokuwa na upatikanaji wa madawa ya aina mbali mbali, vifaa tiba  hali ambayo inachangangia kwa kiasi kikubwa kuzolota kwa utoaji wa huduma inayostahili kwa  wagonjwa pindi wanapohitaji kupatiwa matibabu ya haraka.

Miongoni mwa maeneo ambayo yanakabiliwa na upatikanaji wa huduma ya dawa ni Wilaya ya Kisarawe iliyopo Mkoani Pwani ambayo wananchi wake wamekuwa wakiteseka kwa kipindi cha zaidi ya miaka mingi bila ya kuwa na huduma ya uhakika hasa katika suala la upatikanaji wa vifaa tiba pamoja na madawa, lakini kwa sasa hatimaye wamepata mkombozi baada ya kuzinduliwa kwa duka maalumu la dawa.

Baadhi ya wananachi Wilayani Kisarawe ambao wamefika katika halfa ya uzinduzi wa duka la madawa akiwemo  Zaina Lungila na Sultan Manoza  wamesema katika siku za nyuma walikuwa wanapata shida na usumbufu mkubwa kwani dawa ambazo walikuwa wanaandikiwa na daktari upatikanji wake ulikuwa ni mgumu na wakati mwingine hawapati kabisa na kuwalazimu kufunga safari hadi Gongo la mboto Jijini Dar es  Salaam kununua.

Kwa upande wake Meneja wa Bohari kuu ya madawa (MSD)  kanda ya Dar es Salaam Celestine Haule wamepeleka mtaji wa aina mbali mbali za  madawa yenye thamani ya kiasi cha shilingi milioni 89   katika duka hilo lililopo katika Hospitali ya Wilaya ya Kisarawe kwa lengo la kuweza kuwasogeza huduma kwa ukaribu wananchi ili waondokana na tatizo la kwenda kutafuta huduma katika maeneo mengine ya Jiji la Dar es Salaam.

Waziri wa Nchi ofisi ya Rais Tamisemi Selemani Jafo ameziagiza halmashauri zote nchini kuhakikisha wanaweka mikakati ya kuwa na duka maalumu la dawa katika hospitali za Wilaya kwa lengo la kuweza kuboresha huduma ya  afya kwa wananachi wa maeneno mbali mbali ambao wamekuwa wakikabiliwa na ukosefu wa upatikanaji wa dawa.

KUZINDULIWA kwa duka hilo la dawa katika hospitali ya Wilaya ya Kisarawe Mkoa wa Pwani ambalo limegharimu kiasi cha mtaji wa shilingi milioni 89 kutaweza kuwa ni mkombozi mkubwa kutokana na kusaidia kwa kiasi kikubwa  kupunguza kero la wagonjwa zaidi ya 300 hadi 400 ambao kwa siku wamekuwa wakipokelewa kwa ajili ya  kupatiwa matibabu.